Жерге тұйықталған розетканың артықшылықтары: Тексерілген тауарды Астананың қай жерінен сатып алуға болады?

Жерге тұйықтауы бар розеткалар — үйдегі электр сымдарының қауіпсіздігін қамтамасыз ететін маңызды элементтердің бірі болып табылады. Олардың негізгі міндеті — кернеу күрт өзгерген немесе электр құрылғысы істен шыққан жағдайда, адамды электр тоғының соғуынан қорғау. Жерге тұйықтауы бар розетка, артық тоқты жерге қауіпсіз түрде бұрып, электр жарақатын алу қаупін азайтатын үш контактімен жабдықталады: фаза, нөл және жер.

Жерге тұйықтауы бар розеткаларды пайдаланудың артықшылықтары

• Қауіпсіздіктің жоғары деңгейі

Жерге тұйықтау электр тоғын жерге бұру арқылы зақымдалған электр құрылғысына жанасқан кезде, адамды электр тоғының соғуынан қорғауда маңызды рөлін атқарады. Жоғары ылғалдылық электр тоғының соғу қаупін арттыратындықтан, ас үй немесе жуынатын бөлме сияқты ылғалдылығы жоғары бөлмелерде, бұл функцияның маңызы ерекше.

• Электр құрылғыларын қорғау

Жерге тұйықтауы бар розеткалар адамды ғана емес, сондай-ақ, электр құрылғыларының өзін де кернеудің күрт өзгеруінен және зақымданудан қорғайды.

• Заманауи ғимараттарда міндетті түрде болуы.

Заманауи тұрғын үй нысандары, соның ішінде жаңа үйлер мен пәтерлерде, жерге тұйықтауы бар розеткаларды орнату міндетті шарт болып саналады. Бұл электр қауіпсіздігін арттырып, электр желісіне байланысты оқиғалардың туындау қаупін азайтады.

Жерге тұйықтауы бар және жерге тұйықтауы жоқ розетка: айырмашылығы неде?

Алдымен, розеткадағы жерге тұйықтаудың не екенін анықтап алайық. Жерге тұйықтау — электр жүйесін жермен байланыстыратын қауіпсіздіктің маңызды элементі болып табылады. Бұл механизм ақау немесе кернеудің күрт өзгеруі кезінде артық тоқты жерге қауіпсіз түрде бұруға мүмкіндік береді.

Жерге тұйықтауы бар розеткада қосымша контакт — жерге тұйықтау өткізгіші болады. Ол электр құрылғысының корпусын жерге қосады. Осы өткізгіштің арқасында, ағып кететін тоқ, адам денесі арқылы өтпей, жерге тұйықтау жүйесіне бағытталады. Нәтижесінде, жабдықтың үздіксіз жұмыс істеуінде аса маңызды рөлін атқаратын, жерге тұйықтау, электр жарақаты мен өрт қаупін айтарлықтай төмендетеді, сондай-ақ, электр жүйесінің тұрақты түрде жұмыс істеуіне ықпал етеді.

Жерге тұйықтауы жоқ розетка екі контактіден — фаза мен нөлден — тұрады және кернеудің күрт өзгеруінен қосымша қорғанысы болмайды. Ал жерге тұйықтауы бар розеткада қауіпсіздікті қамтамасыз ететін үшінші — жерге тұйықтау контактісі болады.

Жерге тұйықтауы бар және жоқ розетканы қалай ажыратуға болады? Ол үшін, үшінші контактінің — жерге тұйықтау өткізгішінің қолдағысын тексеру жеткілікті. Әдетте, ол сары-жасыл түсті сым болады және жерге тұйықтау шинасына қосылады. Розеткаға тек қоңыр және көк сымдар (фаза мен нөл) қосылған болса, онда ол, жерге тұйықтау контуры жоқ дегенді білдіреді.

Розеткада жерге тұйықтау функциясы не үшін қажет?

Розеткадағы жерге тұйықтау, қауіпсіздікті қамтамасыз ететін бірнеше маңызды функция рөлін атқарады:

• Электр тоғының соғуынан қорғау

Электр құрылғысының оқшаулағышы зақымдалған немесе кернеу күрт өзгерген жағдайда, жерге тұйықтау қауіпті тоқты, адамды айналып өтіп, жерге бағыттайды. Мысалы, кір жуғыш машинада корпусқа қысқа тұйықталу орын алса, жерге тұйықтау болмаған жағдайда, оған қол тигізген адам қатты электр тоғының соғуына ұшырауы мүмкін. Ал жерге тұйықтау болған кезде тоқ, жерге тұйықтау өткізгіші арқылы, жерге кетеді.

• Өрттің алдын алу

Жерге тұйықтау қысқа тұйықталу немесе электр құрылғыларының қызып кетуі салдарынан өрттің пайда болу қаупін азайтады.

• Техниканың тұрақты жұмыс істеуі

Жерге тұйықтау сезімтал электрондық құрылғыларды электр желісіндегі кернеудің ауытқуы мен кедергілерден қорғап, олардың қызмет ету мерзімін ұзартуға көмектеседі. Тіпті күші 50 миллиампер болатын шағын тоқтың өзі адам денсаулығына ауыр зардап келтіруі мүмкін. Сондықтан, жерге тұйықтау — жай ғана қосымша мүмкіндік емес, заманауи электр сымдары жүйесінің маңызды қауіпсіздік элементі болып табылады.

Қандай розеткаларды таңдаған дұрыс?

Розетка таңдаған кезде келесі факторларды ескеру қажет:

• Номиналды тоқ

Қарапайым электр тұтынушылары үшін 16 А розетка жеткілікті. Ал жалпы қуаты 7000 Вт-тан аспайтын қуатты құрылғылар үшін 32 А розетканы таңдауға болады. Назар аударыңыз, маңызды мәселе! Розеткаға қосылған құрылғылардың жалпы қуаты розетка өндірушісі белгілеген рұқсат етілген қуаттан асып кетсе, оны пайдалануға тыйым салынады.

• Қорғаныс дәрежесі

Шаң мен ылғалдан қорғаныс дәрежесі (IP) жоғары модельдерді таңдаңыз.

• Қосымша қорғаныс

Қауіпсіздікті арттыру үшін қорғаныс перделері және қорғаныс қақпақтары бар модельдерге назар аударыңыз. Қақпақ розетканы ластанудан және су шашырауынан қорғайды, ал арнайы перделер балалардың розетка тесіктеріне әртүрлі заттарды сұғуына жол бермейді. Бұл балаларды электр тоғының соғуынан, ал розетканың өзін істен шығып кетуінен қорғауға көмектеседі.

Астанада, тексерілген жерге тұйықтауы бар розеткаларды қайдан сатып алуға болады?

Астанада жерге тұйықтауы бар розеткаларды электр тауарларын сататын түрлі дүкендерден сатып алуға болады. Сатып алу кезінде, қауіпсіз әрі сенімді пайдалануды қамтамасыз ету үшін танымал өндірушілердің модельдерін таңдаған жөн. Мысалы, сапалы розетканы таңдауда «220VOLT» компаниясы сізге сенімді көмекші бола алады. Біз үйіңіздің электр қауіпсіздігін қамтамасыз етуге арналған кешенді шешім ұсынамыз:

• Бөлменің ерекшеліктерін ескере отырып, жерге тұйықтауы бар розеткаларды кәсіби түрде таңдау;
• Автоматты қорғаныс құрылғылары мен УЗО таңдауға қатысты кеңес беру;
• Барлық электротехникалық өнімдерге сапа кепілдігі;
• Сатып алғаннан кейін техникалық қолдау көрсету.

Компания мамандарына жүгіну арқылы, сіз сапалы жерге тұйықтауы бар розеткаларын ғана емес, оларды дұрыс орнату және пайдалану бойынша кәсіби кеңестерді де ала аласыз. Бұл үйіңіз бен отбасыңызды электр тоғына байланысты оқиғалардан барынша қорғауға мүмкіндік береді.