Жарықтандыру саудаға қалай көмектеседі?
Кез-келген сауда кәсіпорын иесі өз бизнесінің пайдасын арттыруына ұмтылатыны сөзсіз.
Осындай маңызды экономикалық көрсеткіштің анықтамасы мен құраушыларына терең үңілмей, пайданы қалыптастыратын параметрлердің біріне, яғни, сату көлеміне тоқталайық.
Қысқаша айтқанда, сату көлемі орташа чекке сатып алушылар санының көбейтіндісіне тең.
Әр көбейткішті ашып көрсетуге болады:
Сатып алушылар саны - бұл сатып алуды жүзеге асырған келушілердің бөлігі.
Тиісінше, сатып алушылар санын келесі жолдар арқылы көбейтуге болады:
1. Сауда орнына барған адамдардың жалпы санын көбейту арқылы.
2. Конверсияны ұлғайту арқылы - яғни сатып алу жасаған адамдар санының дүкенге келушілердің жалпы санына қатынасы
Сол сияқты, орташа чектің мәні тауардың орташа бағасына және әрбір сатып алушы сатып алған тауарлар санына тікелей байланысты.
Осылайша:
1. Келушілер саны
2. Қызмет көрсетілген келушілердің үлесі (конверсия)
3. Тауардың орташа бағасы
4. Чектегі тауарлар саны
- неғұрлым жоғары болса, сату көлемі соғұрлым көп болады.
Бұған қол жеткізу үшін не қажет? Сату көлемінің аталған құраушыларына, әрине, өнімнің сапасы, қызметкерлердің құзыреттілігі мен уәждемесі, сауда орнының беделі және басқалары әсер етеді.
Бұл жерде, жарықтандырудың не қатысы бар деген сұрақ туындайды.
Дұрыс жобаланған жарықтандыру сатылымды арттыру процесінде соңғы рөлін орындамайды екен.
Сауда орнына келетін келушілер саны.
Сатып алушыларды дүкенге қалай тартуға болады? Әрине, бәсекелестердің орналасуы және мақсатты аудиторияның ерекшеліктерімен байланыстырып дұрыс орын таңдаған маңызды. Дизайн, жарнама да өте маңызды. Жарқын сауда орындары өздеріне көбірек назар аударатынын ескеріп, қоршаған кеңістіктің фонында сауда орны ерекшеленіп тұрғаны абзал.
Сонымен, сауда нүктесі сауда орталығының галереясында орналасқан болса, сауда залының жарықтандыруы сауда орталығының орташа жарық деңгейінен төмен болмауы керек, әйтпесе ол жабық болып көрінуі мүмкін. Мұндай бөлмелерге арналған нормативтер 200-400 Люкс жарық деңгейін "ұсынады".
Көптеген өнімдерге арналған қаптама сияқты, дүкен витринасы сатып алушыларды тартудың маңызды факторларының бірі болып табылады. Сондықтан да, олардың санын көбейту үшін ол өтіп бара жатқан адамдардың назарын аударып, өткен-кеткен адамды, сатып алушыға "айналдыруы" керек. Витринаны жарықтандыру - оның сауатты түрде әшекейленген маңызды сәттерінің бірі. Витринаның жарық деңгейі сауда залы, орталығы, галерея немесе көшеге жарығы деңгейіне қарағанда жоғары болуы керек. Сондай-ақ, витринаға қараған кезде қолданылатын шамдар көз қаратпайтындай болмауы керек – олардың мақсаты витринада орналасқан элементтерді баса көрсету.
Сондықтан, витринаны жарықтандыру үшін бағытты ағыны бар нүктелік жарық көздері жиі қолданылады.
Қызмет көрсетілетін келушілердің пайызы немесе сатып алушыларға айналған келушілердің үлесі, басқа сөзбен айтқанда, конверсия деңгейі.
Сату көлемінің бұл компонентінде жарықтандыру да маңызды рөлін атқарады. Келуші дүкенде неғұрлым көп тауар көрсе, оның сатып алу ықтималдылығы соғұрлым жоғары болады. Сауатты түрде ұйымдастырылған жарықтандыру келушіні бүкіл сауда залында өтім шығатынын қамтамасыз етіп, назарын қажетті тауарларға аударуға немесе өтіп жатқан науқандарға бағыттауға көмектеседі. Сауда нүктесінің периметрін бөліп, дүкеннің кіреберістен төр жақ бөлігін жарықтандырып, сонымен қатар, екпінді шамдарды қажетті жерлерде орналастыра отырып, сіз келушіні белгілі бір бағдар бойынша бағыттай аласыз.
Тауар бірлігінің орташа құны.
Иә, осы жер де дұрыс жарықтандыру дүкен жағында болады. Жарық көздерінің дұрыс орналасуы және олардың сипаттамалары тауарлардың артықшылықтарын ерекшелендіріп, оларды тартымды етуге көмектеседі.
Мысалы, азық-түлік дүкені үшін жарықтандырудың келесі "рецептері" бар:
1. Нан-тоқаш өнімдері мен ірімшіктерді сары-қызғылт сары жарқыл температурасы бар жарық көздерімен жарықтандыру арқылы, қызарған, жаңа піскен кейіпән бере аласыз. Осылайша, сатып алушылар үшін өнімнің тартымдылығын арттыра аласыз. Жарық температурасы 2700-3000К болатын шамдар қолайлы.
2. Суық ақ жарық теңіз өнімдерінің балғындығын көрсетеді. Бұл жағдайда температурасы 4500-6000К болатын жарық көздері оңтайлы болып келеді.
3. Қызыл спектр ет пен шұжықтың көрінісін айтарлықтай жақсартады. Түсті көрсету индексі 85-тен жоғары болуы керек (Ra>85). Бұл жерде, жарықдиодты шамдарды қолданған дұрыс. Олар минималды температураға ие және витрина ішіндегі микроклиматты өзгертпейді.
Жылы жарық көкөністер мен жемістердің түстерін табиғи түстерін көрсетіп тұрады, ал күңгірт суық жарық болса, керісінше, тағамға "жатып қалған" әсерін береді.
Азық-түлік орналасатын витриналарын жарықтандыру үшін қажетті спектрдегі жарықдиодты жолақты қолдануға болады. Бірқатар өндірушілер тіпті әртүрлі өнімдерді жарықтандыруға арналған арнайы желілерді шығарады.
Азық-түлік емес тауарлар тобына арналған жарықтандыру ерекшеліктері бар:
1. Зергерлік дүкенінде кез-келген өнімді көзді ауыртпастан қарастыру үшін жалпы жарықтандыруы жақсы болуы қажет. Жарықтандыру температурасы зергерлік бұйымдардың немесе аксессуарлардың құрамына байланысты болып келеді – сондықтан алтын мен асыл тастарды жылы жарық температурасымен жарықтандырған дұрыс, ал күміс, платина және ақ алтын суық немесе ақ, бейтарап жарықты қажет етеді. Гауһар тастар, температурасы 5000-6000К, жарқын суық жарықты қажет етеді. Түрлі түсті әшекейлері бар витриналарда қымбатқа назар аударта отырып жарықтандырады. Бұл жерде жарық көздерінің дұрыс орналасуы да маңызды - олар беттерде жарқыл тудырмауы керек. Сондықтан, витриналарды жарықтандыру үшін жарық бағытын өзгертуге болатын трек шамшырақтарын таңдауға болады. Шамдарды таңдау барысында, жылу тастардың сапасын нашарлатуы мүмкіндігі бар болғандықтан, ең аз жылу сәулеленуі бар шамдарға артықшылық беру керек. Және, әрине, түсті көрсету индексі жоғары болуы тиіс.
2. Кигізіп көруге алынған заттардың шамамен үштен бірі сатып алынады. Сондықтан, сатып алушының назарын аудару маңызды. Киімді, аяқ киімді және матаны жарықтандыру үшін табиғи, күндізгі жарық шамдары жақсы болады. Тауарлардың жарықтандыру деңгейін 800-1000 ЛК ауданында сақтау ұсынылады. Екпінді жарықтандыру жалпы жарықтандырудан 40% - ға қарқынды болады; түс беру коэффициенті -85-тен кем емес. Киім мен аяқ-киім сатылатын сауда алаңында қараңғы кеңістіктер болмауы керек: сатып алушылар таңдалған затты қарастыра алуы керек. Тұрмыстық техника дүкендеріндегі жарықтандыру ерекшеліктері: түс температурасы - суық ақ. Сары реңкті жарық, пластикке жеңіл сарғыш әсерін береді. Монитор, ноутбук пен теледидарлар орнатылған аймақта жарық деңгейі төмен болуы керек – бұл беттерде жарқырауды болдырмау үшін қажет.
Чектегі тауарлар саны.
Толықтырылуы болады деген тауарлардың, сауда нүктелерінде бірге сатылып жіберілу "мүмкіндігі" көп. Мысал ретінде, кассаларда маусымдық қосымша есептеулер, сауда нүктесінде сатып алынған тауарлардың санын көбейтуге көмектеседі. Тауарларды орналастырудың әртүрлі нұсқаларына тез және аз шығындармен бейімделе алатын жарықтандыру жүйесі дүкен үшін қолайлы болып табылады. Сондықтан да, тректі жарықтандыру жүйелері күннен күнге танымал бола бастады.
Егжей-тегжейге назар аудару - бұл ірі автосалонда да, үйдегі дүкендерде де сатылымның өсуінің кілті. Жоғары сапалы, ойластырылған жарықтандыру сізге өнімнің барлық артықшылықтарын көрсетуге, бәсекелестер арасында дүкенді ерекшелендіруге мүмкіндік береді.
Сауда орталықтары мен дүкендерді жарықтандыруға арналған шамдарды таңдағанда, кез-келген сауда нүктесі үшін әмбебап негізгі ережелер бар:
1. Шамшырақтар сауда алаңында жеткілікті жарық деңгейін қамтамасыз ету үшін жеткілікті қуатты болуы керек.
2. Шамшырақтар электр қуатын аз тұтынумен ерекшеленуі керек.
3. Шамшырақтар түстердің жақсы көрсетілуін қамтамасыз етуі керек.
4. Жарықтың пульсациясын болдырмау керек.
